
ܒܣܘܼܟܠܐ ܓܘܢܝܐ ܡܿܢ ܠܫܢܐ ܐܣܛܘܼܟܣܐ ܗ̱ܘ ܪܝܼܫܳܝܐ ܕܐܣܪ̈ܐ ܐ̱ܢܫ̈ܝܐ ܒܝܢܬ ܒܢ̈ܝ ܐܘܼܡܬܐ. ܘܰܩܠܝܼܕܐ ܗ̱ܘ ܕܦܳܬܚ ܬܪ̈ܥܐ ܕܡܚܫܒܬܐ ܘܬܪܥܝܼܬܐ ܘܗܝܝܘܬܐ ܐܘܡܬܳܢܳܝܬܐ ܘܐ̱ܢܳܫܝܬܐ. ܘܰܡܫܰܘܕܥܢܐ ܗ̱ܘ ܕܥܠܡܐ ܓܰܘܳܝܐ ܕܒܪܢܫܐ.
ܘܠܫܢܐ ܣܘܪܝܝܐ ܐܝܬ ܠܗ ܕܝܼܠܝ̈ܬܗ ܦܪ̈ܝܼܫܳܬܐ ܒܝܢܬ ܠܫ̈ܢܐ ܕܥܠܡܐ. ܒܕ ܩܳܢܐ ܪܘܼܚܐ ܛܒ ܥܰܬܝܩܬܐ ܕܡܶܬܡܬܚܐ ܥܕܡܐ ܠܕܪ̈ܐ ܕܩܕܡ ܡܰܘܠܳܕܐ ܘܥܳܡܕܐ ܘܥܳܡܩܐ ܘܡܬܚܰܒܟܐ ܬܡܢ ܒܫܝܼܬܳܢܳܝܘܼܬܐ ܕܒܝܬܢܗܪܝܢ ܥܬܝܩܬܐ.
ܠܫܢܐ ܣܘܪܝܝܐ ܡܿܢ ܢܳܒܥ ܘܐܬܐ ܘܡܫܬܰܪܫ ܘܡܫܬܰܠܫܰܠ ܡܼܢ ܐܪܡܝܐ ܡܕܢܚܝܐ. ܐܠܐ ܒܪܡ ܡܼܢ ܓܒܐ ܕܡ̈ܠܐ ܘܒܢ̈ܬ ܩ̈ܠܐ ܘܛܟ̈ܢܐ ܠܗܟܣ̈ܝܼܩܳܝܶܐ ܐܝܬ ܠܗ ܡܘܙܓܐ ܘܚܘܠܛܢܐ ܥܫܝܢܐ ܥܡ ܓܙܐ ܕܠܫ̈ܢܐ ܐ̱ܚܪ̈ܢܐ ܫܝ̈ܡܝܐ ܒܝܬܢܗܪ̈ܢܝܐ ܕܐܝܟ ܐܟܕܝܐ ܘܐܬܘܪܝܐ ܘܒܒܠܝܐ. ܘܡܬܚܫܒ ܚܕ ܡܼܢ ܠܫܢ̈ܐ ܥܰܬܝ̈ܩܐ ܕܥܠܡܐ ܕܥܕܟܝܠ ܚܝ ܗ̱ܘ ܒܟܬܝܒܬܐ ܘܒܣܦܪܝܘܬܐ. ܘܐܝܬ ܠܗ ܕܘܪܐ ܛܒܐ ܒܡܪܕܝܬܐ ܕܐ̱ܢܫܘܬܐ ܘܝܘܒܠܐ ܕܡܕܝܢܝܘܬܐ ܡܕܢܚܐܝܬ ܘܡܥܪܒܐܝܬ. ܘܓܫܪܐ ܗ̱ܘ ܣܡܝܼܟܐ ܕܐܟܝܢ ܫܒܝܼܠܐ ܢܗܝܪܐ ܒܝܢܬ ܡܪ̈ܕܘܬܐ ܦܪ̈ܝܫܬܐ. ܘܕܘܪܗ ܪܒ ܗ̱ܘ ܒܣܘܼܒܳܠܐ ܕܫܪ̈ܫܐ ܚܟܡ̈ܬܢܝܐ ܥܬܝ̈ܩܐ ܠܥܠܡܐ ܡܰܫܠܡܳܢܝܐ ܘܥܪܒܝܐ. ܡܛܠܗܕܐ ܡܛܐ ܨܘܬܗ ܗܪ ܬܡܢ ܥܕܡܐ ܠܣܘ̈ܦܐ ܘܦܢܝ̈ܬܐ ܕܥܠܡܐ ܥܪܒܝܐ ܘܐܘܪܝܦܝܐ ܥܬܝܩܐ.
ܘܠܥܙܐ ܣܘܪܝܝܐ ܕܐܘܪܗܝ ܗܢܐ ܕܝܘܡܢܐ ܟܬܒܝܢܢ ܢܳܚܬ ܘܥܳܡܩ ܥܕܡܐ ܠܕܪܐ ܩܕܡܝܐ. ܘܐܝܟ ܬܚܘܝܬܐ ܠܗܕܐ ܟܬܝܒܬܐ ܕܐܫܬܟܚܬ ܘܡܚܰܘܝܐ ܕܟܬܝܒܐ ܒܫܢܬ 6 ܕܡܘܠܕܐ. ܒܕ ܐܝܟ ܛܘܟܣܐ ܐܬܘܬܢܝܐ ܫܪܝܬ ܟܬܝܒܬܐ ܣܘܪܝܝܬܐ ܕܐܠܦܒܝܬ ܩܕܡ ܡܘܠܕܐ 1000 ܫܢܝ̈ܢ. ܘܗܝ ܗܕܐ ܡܫܬܪܪܐ ܡܼܢ ܓܠܝ̈ܦܬܐ ܘܫܟܳܚ̈ܳܬ̥ܳܐ ܕܚܦܪ̈ܐ ܣܓ̈ܝܐܐ ܕܐܬܚܙܝܘ ܒܕܘܟ ܕܘܟ ܒܡܕܢܚܐ ܕܝܠܢ، ܐܘܟܝܬ ܒܒܝܬܢܗܪܝܢ ܘܣܘܪܝܐ ܘܥܝܪܩ ܘܫܪܟܐ. ܘܫܟܳܚ̈ܬܐ ܗܠܝܢ ܕܡܚܘ̈ܝܢ ܥܘܬܩܐ ܕܠܫܢܐ ܣܘܪܝܝܐ ܡܳܛܐ ܡܢܝܢܗܝܢ ܠܝܬܝܪ ܡܢ 3000 ܓܠܝ̈ܦܬܐ ܒܝܕܥܬܐ ܟܪܝܬܐ ܘܩܦܝܣܬܐ.
ܘܥܰܬܝܩܗܘܢ ܕܟܬܒܐ ܕܡܛܐ ܠܝܘ̈ܡܬܢ ܓܡܝܪܐ ܘܫܰܠܡܐ ܥܠ ܘܪ̈ܩܐ ܒܠܫܢܐ ܣܘܪܝܝܐ ܟܬܒܐ ܗ̱ܘ ܕܐܚܝܩܰܪ ܚܰܟܝܡܐ: ܘܰܙܝܪܐ ܕܣܢܚܪܝܒ ܘܐܣܪܚܕܘܢ ܡܠܟ̈ܐ ܕܐܬܘܪ ܒܕܪܐ ܫܒܝܥܳܝܐ ܩܕܡ ܡܫܝܚܐ. ܘܢܘܣܟܐ ܗܢܐ ܫܟܝܚ ܗ̱ܘ ܒܒܝܬ ܥܬܩ̈ܐ ܕܠܢܕܢ. ܘܢܘܣܟܐ ܗ̱ܘ ܝܚܝܕܝܐ ܕܐܫܬܟܚ ܘܐܬܐ ܡܼܢ ܕܪܐ 5 ܚܡܝܫܝܐ ܕܩܕܡ ܡܘܠܕܐ. ܘܠܝܬ ܟܬܒܐ ܕܥܬܝܩ ܡܢܗ ܒܟܠܗ ܥܠܡܐ.
ܘܠܫܢܐ ܗܟܝܠ ܣܘܪܝܝܐ ܐܝܬ ܠܗ ܬܪܝܢ ܠܥܙ̈ܝܢ ܟܬܝ̈ܒܬܢܝܐ ܘܪ̈ܬܡܢܝܐ ܥܡܡ̈ܝܐ. ܕܚܕ ܡܢܗܘܢ ܡܬܩܪܐ ܡܕܢܚܝܐ. ܘܗܢܐ ܪܬܡܗ ܥܡܡܝܐ ܡܬܩܪܐ ܣܘܼܪܺܝܼܬ. ܘܗܿܘ ܘܐ̱ܚܪܢܐ ܡܥܪܒܝܐ ܐܘܟܝܬ ܣܽܘܼܪܰܝܬ. ܘܦܘܪܫܢܐ ܒܝܢܬ ܗܠܝܬ ܬܪܝܢ ܠܥܙ̈ܐ ܠܝܬܘܗܝ ܥܩܪܝܐ ܘܫܪܫܝܐ. ܐܠܐ ܒܪܬܡܐ ܗ̱ܘ ܕܡܕܡ ܡܼܢ ܙܘ̈ܥܐ ܘܒܪ̈ܘܫܡܐ ܕܐܬܘ̈ܬܐ. ܘܗܢܐ ܫܘܚܠܦܐ ܟܝܢܝܐ ܗ̱ܘ ܕܟܐܢ ܘܗܳܘܐ ܐܝܟ ܫܪܟܐ ܕܫܘܚ̈ܠܦܐ ܕܡܬܚܙܝܢ ܒܟܠ ܙܒܢܐ ܘܒܟܠ ܕܘܟܐ ܒܝܢܬ ܒܢ̈ܝ ܐܬܪܐ ܘܐܬܪܐ ܒܡܡܠܠܐ ܘܒܦܪ̈ܨܘܦܐ ܘܒܥܝ̈ܕܐ ܘܫܪܟܐ.
ܡܟܝܠ ܚܢܢ ܐܝܟ ܥܠܝ̈ܡܐ ܒܢ̈ܝ ܕܣܘܪܝܝܘܬܐ ܦܐܝܐ ܗ̱ܝ ܕܢܫܬܒܗܪ ܒܠܫܢܢ ܗܢܐ ܥܬܝܩ ܝܪܬܘܬܐ. ܘܠܐ ܙܕܩ ܕܢܚܙܝܘܗܝ ܒܠܚܘܕ ܓܘܥܠܢܐ ܕܕܪ̈ܐ ܥܒܝܪ̈ܐ. ܐܠܐ ܠܫܢܐ ܚܝܐ ܕܒܗ ܡܨܝܢܢ ܕܢܬܚܕܬ ܘܢܬܩܝܡ ܘܢܫܬܘܫܛ ܘܢܦܪܐ ܒܗ ܒܐܘܪ̈ܚܬܐ ܦܪ̈ܝܫܬܐ ܒܕܪܢ ܗܢܐ ܕܫܘܼܘ̈ܫܛܐ. ܒܕ ܡܫܬܥܐ ܕܰܘܪܐ ܪܒܐ ܒܚ̈ܝܐ ܐܝܟ ܕܰܘܪܐ ܗ݁ܘ ܕܪܘܼܚܐ ܒܩܘܼܝܳܡܐ ܕܦܰܓܪܐ. ܘܐܢ ܡܬܝܠܦܝܢ ܡܬܝܰܩܪܝܢ ܘܡܬܢܰܛܪܝܢ ܩܢܘ̈ܢܘܗܝ ܘܚܘܟ̈ܡܘܗܝ ܩܰܛܝ̈ܢܐ܆ ܡܨܝܐ ܕܢܗܘܐ ܡܨܥܳܝܐ ܠܡܣܬܰܟܠܳܢܘܬܐ ܘܡܫܬܰܘܫܛܳܢܘܼܬܐ ܦܰܪܨܘܼܦܳܝܬܐ ܘܟܢܘܫܝܳܝܬܐ. ܥܰܬܝܪܘܬܗ܆ ܪܡܙܐ ܗ̱ܝ ܕܗܘܼܒܳܒܐ ܘܫܘܼܘܫܛܐ ܣܘܼܟܳܠܝܐ ܘܝܕܰܥܬܳܢܳܝܐ. ܘܡܣܟܢܘܬܗ܆ ܕܥܘܼܪܙܳܠܐ ܘܫܘܘܚܪܐ ܒܘܼܝܳܢܳܝܐ ܘܨܘܼܪܟܳܢܐ ܝܕܰܥܬܳܢܳܝܐ...
ܢܘܗܪܐ: ܗܘ ܕܒܥܐ ܘܡܬܝܐܒ ܡܨܝܐ ܕܢܫܡܥ ܐܦ ܩܠܐܝܬ ܒܐܣܪ̈ܐ ܕܠܬܚܬ. ܟܐܡܬ ܣܘܪܝܝܐ ܟܬܒܢܝܐ ܘܣܘܪܝܬ ܡܥܪܒܝܐ ܘܣܘܪܝܬ ܡܕܢܚܝܐ.
https://www.youtube.com/watch?v=MvAR44uJ1hQ
https://www.youtube.com/watch?v=NYrGxQ_DWGM&t=56s
https://www.youtube.com/watch?v=dFR8TCYdHdU&t=159s
ܝܘܣܦ ܒܓܬܫ
You can also send us an email to karyohliso@gmail.com
Leave a Comment