ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܰܚܶܒ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܰܟܫܰܪ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܗܘܶܐ ܛܳܒܳܐ ܘܰܟܢܺܝܼܟܳܐ ܘܰܡܝܰܬܪܳܐ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܝܰܩܰܪ ܘܐܶܬܝܰܩܰܪ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܨܝܐ ܕܐܶܬܶܠ ܘܐܶܣܰܒ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܨܝܐ ܕܐܶܥܰܕܰܪ ܘܐܬܥܰܕܰܪ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܬܥܰܫܰܢ ܘܐܶܬܚܰܣܰܢ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܨܝܐ ܕܐܶܩܰܘܶܐ ܦܨܺܝܼܚܳܐ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܨܝܐ ܕܐܬܡܰܟܰܟ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܬܪܰܡܪܰܡ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܬܽܘܿܦ ܫܽܘܼܦܪܳܐ ܕܫܰܦܺܝܼܪܳܐ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܬܬܥܺܝܼܪ ܡܼܶܢ ܫܶܢܬܳܐ ܕܛܳܥܝܽܘܼܬܳܐ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܥܪܽܘܿܩ ܡܼܶܢ ܪܳܡܽܘܼܬܳܐ ܘܰܚܒܰܢܳܢܽܘܼܬܐ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܫܒܽܘܿܩ ܐܶܢܳܢܳܝܘܼܬܳܐ ܘܚܰܣܳܡܽܘܼܬܐ ܘܟܰܕܳܒܘܼܬܳܐ ܘܰܢܟܺܝܼܠܘܼܬܐ ܘܰܨܢܺܝܼܥܘܼܬܳܐ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܫܰܚܠܶܦ ܬܰܪܥܺܝܬܝ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܰܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܩܢܶܐ ܦܳܪܽܘܿܫܽܘܼܬܳܐ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܰܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܫܬܰܘܫܰܛ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܒܩܺܝܼ ܘܪܕܺܝܼ ܡܰܡܠܠܳܟ.
ܐܶܢ ܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ ܡܰܨܝܳܐ ܕܐܶܬܕܰܪܰܓ ܘܐܶܬܢܰܦܰܩ ܘܐܶܫܬܰܡܠܶܐ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܐܰܝܟܰܢ؟ ܐܰܝܟܰܢ؟ ܐܰܝܟܰܢ؟ ܐܰܝܟܰܢ؟ ܘܐܰܝܟܰܢ؟
ܟܡܳܐ ܕܬܳܢܶܐ ܐܰܢ̱ܬ. ܘܰܟܡܳܐ ܕܰܡܥܰܦܦ ܐܰܢ̱ܬ. ܘܰܟܡܳܐ ܕܰܡܫܰܐܶܠ ܐ̱ܰܢܬ ܠܺܝܼ ܐܰܝܟܰܢ؟
ܐܳܡܰܪ ܐ̱ܢܳܐ ܠܳܟ: ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ.
ܒܰܕ ܒܶܗ ܒܗܳܢܳܐ ܦܶܬܓܳܡܳܐ «ܬܩܽܘܿܠ ܘܰܬܪܽܘܿܨ ܡܶܠ̈ܰܝܟ. ܘܒܩܺܝܼ ܘܪܕܺܝܼ ܡܰܡܠܠܳܟ» ܛܡܺܝܼܪܺܝܼܢ ܟܽܠܗܽܘܿܢ ܦܽܘܼ̈ܢܳܝܶܐ ܕܒܽܘܼܩܳܪ̈ܶܐ ܘܫܘܼ̈ܐܳܠܐ ܕܐܰܝܟܰܢ ܘܐܰܝܟܰܢ. ܕܗܽܘܼ ܒܰܪܢܳܫܳܐ ܠܳܐ ܚܳܨܶܕ ܐܶܠܳܐ ܗܰܘ ܡܳܐ ܕܒܳܕܰܪ ܘܙܳܪܰܥ.
ܘܠܳܐ ܢܶܛܥܶܐ: ܗܺܝܼ ܡܶܠܬܐ ܡܶܫܬܰܚܠܦܳܐ ܠܡܰܪܢܺܝܼܬܳܐ. ܘܡܰܪ̈ܢܝܳܬܐ ܡܶܫܬܰܚ̈ܠܦܳܢ ܠܪ̈ܶܓܫܶܐ. ܘܪ̈ܶܓܫܶܐ ܡܶܫܬܰܚܠܦܺܝܼܢ ܠܦܽܘܼܥܳܠܐ ܘܰܥܒܳܕܳܐ ܣܽܘܼܥܪܳܢܳܝܳܐ. ܘܐܘܼܪܰܚ ܦܽܘܼܥܳܠܐ ܘܙܢܳܐ ܕܫܽܘܼܪܳܪ ܥܒܳܕܳܐ ܡܨܰܝܒܺܝܼܢ ܬܰܪܒܺܝܼܬܳܐ ܘܰܡܫܰܒܠܝܼܢ ܡܰܪܕܺܝܼܬܳܐ ܕܚܰܝ̈ܶܐ.
ܐܰܝܟ ܕܐܳܡܪܺܝܼܢ ܩܰܕ̈ܡܳܝܶܐ ܘܝܰܕܘܼ̈ܥܬܳܢܶܐ: ܠܐ ܡܰܨܝܳܐ ܕܢܶܫܬܰܚܠܰܦ ܘܢܶܬܛܰܟܰܣ ܘܢܶܫܬܰܘܫܰܛ «ܡܶܬܚܰܙܝܳܢܳܐ ܒܰܪܳܝܳܐ» ܐܶܢ ܠܳܐ ܡܶܫܬܰܓܢܶܐ ܘܡܶܬܬܰܪܰܨ ܘܡܶܬܬܰܩܰܢ «ܠܳܐ ܡܶܬܚܰܙܝܳܢܐ ܓܰܘܳܝܳܐ» ܒܢܽܘܼܗܪܳܐ ܕܗܰܝܡܳܢܽܘܼܬܳܐ ܘܚܽܘܼܒܳܐ ܘܺܝܼܕܰܥܬܳܐ.
ܝܘܣܦ ܒܓܬܫ
ܚܘܕܪܐ ܕܡܪܕܘܬܐ ܘܣܦܪܝܘܬܐ ܕܠܫܢܐ ܣܘܪܝܝܐ: ܡܪܕܝܢ
You can also send us an email to karyohliso@gmail.com
Leave a Comment