ܐܳܪܚܘܼܬܳܐ

ܐܳܪܚܘܼܬܳܐ

ܡܶܐܬܝܼܬܰܢ ܠܥܳܠܡܳܐ ܘܙܰܒܢܳܐ ܕܦܰܘܫܰܢ ܘܒܰܘܬܰܢ ܒܒܰܝܬܶܗ ܠܰܝܬܰܘܗܝ ܐܶܠܐ ܐܳܪܚܘܼܬܐ.. ܒܪܰܡ ܦܳܗܶܐ ܦܰܘܫܰܢ ܘܥܳܐܶܩ ܒܰܘܬܰܢ ܟܰܕ ܡܶܣܬܰܒܟܺܝܼܢܰܢ ܝܰܥܢܳܐܝܬ ܒܗܳܠܶܝܢ ܕܒܰܝܬܳܐ. ܘܟܰܕ ܕܺܝܠܰܢ ܚܳܫܒܺܝܼܢܰܢ ܟܽܠ ܡܳܐ ܕܐܺܝܼܬ ܒܶܗ ܡܼܶܢ ܡܳܐܢ̈ܶܐ ܘܰܟܪ̈ܳܦܳܬܐ. ܘܢܳܦܚܝܼܢܰܢ ܢܰܦܫܰܢ ܒܚܘܼܫܳܚܗܽܘܢ. ܘܡܶܫܬܰܥܠܶܝܢܰܢ ܥܰܠ ܡܳܪܶܐ ܒܰܝܬܳܐ. 

ܠܰܝܬ ܡܶܕܶܡ ܕܐܺܝܼܬܰܘܗܝ ܕܝܼܠܰܢ  ܒܐܳܪܚܘܼܬܳܐ ܗܕܐ. ܕܟܽܠܡܶܕܶܡ ܥܰܡ ܟܽܠܡܶܕܶܡ ܡܶܬܒܰܝܬܶܐ ܠܡܳܪܶܐ ܒܰܝܬܳܐ. ܡܶܟܳܐ ܙܳܕܶܩ ܕܢܺܐܠܰܦ ܪܶܕܝܳܐ ܛܘܼܟܳܣܳܝܳܐ ܘܬܰܪܒܺܝܼܬܢܳܝܳܐ ܕܒܰܝܬܳܐ ܟܕ ܡܰܘܕܶܝܢܰܢ ܠܛܰܝܒܘܼܬܶܗ ܒܗܿܰܘ ܡܳܐ ܕܦܳܪܶܣ ܩܕܳܡܰܝܢ ܡܼܶܢ ܬܘܼܪܣܳܝܳܐ ܘܚܽܘܼܠܡܳܢܳܐ ܓܡܝܪܐ ܘܡܰܕܥܳܐ ܦܳܪܘܿܫܳܐ ܘܫܰܪܟܐ ܕܡܰܘܗ̈ܒܳܬܐ ܕܐܰܝܟ ܕܰܪܓܳܐ ܬܰܩܢܳܐ ܘܐܰܩܡܳܐ ܘܥܽܘܼܬܪܳܐ ܘܩܰܢܳܝܘܼܬܳܐ... ܒܦܰܘܫܳܐ ܘܒܰܘܬܳܐ ܕܐܳܪܚܽܘܼܬܰܢ.

ܠܳܐ ܢܶܛܥܶܐ: ܟܿܠ ܡܳܐ ܕܰܡܫܰܪܬܰܚ ܠܢܰܘܚܳܐ ܕܐܳܪܚܽܘܼܬܰܢ ܠܰܝܬܰܘܗܝ ܐܶܠܐ ܓܽܘܼܥܠܳܢܳܐ ܕܡܰܫܠܰܡ ܠܬܺܐܪܬܳܐ ܚܰܝܬܳܐ ܕܰܒܛܝܼܠܘܼܬܰܢ...!

ܝܘܣܦ ܒܓܬܫ